Koni Seaside 2, një nga projektet më të reja rezidenciale e cila shtrihet buzë detit e nderthurur me natyren unike te zones dhe ujrat e kristalta të Adriatikut. Është e lokalizuar në vijen bregdetare të Shëngjinit, pranë zones së Ranes se hedhur, rruga “Riviera”. Ndodhet afersisht 2 km me qendren e qytetit të Shengjinit, 9.5 km me qytetin e Lezhes, 58.8 km me Aeroportin Internacional “Nënë Tereza”. Zona ku po zhvillohet projekti i ri tashme ka potencial të lartë zhvillimi në fushen e turizmit falë numrit të ndertimit të komplekseve rezidenciale per vendasit dhe të huajt.

Rezidenca është konceptuar si një strukturë e vecantë e cila do të jetë uniform me natyren, me 4 thyerje secila e zhvilluar në 5-6 kate. Në dy nivelat e para për secilin objekt kemi katet e parkimit në një pjesë si dhe ambiente banimi e hotelerie në pjesen tjeter. Do të ofrojnë nga 3 grupe ashensoresh dhe shkallesh të cilat kanë ndricim natyral. Në tre katet e fundit të objektit, apartamentet janë penthouse dhe do të kenë pamje të plotë nga deti. Punimet jane cilesore me fasadat që do të kenë elemente dekorativ, imitim të grilave prej alumini, sistem kapote, te gjitha ballkonet do të kenë gjelberim natyral duke e bërë këtë objekt njesh me natyren ekzistuese. Vetratat dhe dritaret janë të mëdha të cilat mundesojne ndricim natyral, tavanet janë projektuar të varura me gips, lartesia e katit do të jetë sipas standartit etj. Të gjitha hapësirat e përbashkëta dhe sistemimet e jashtme janë të mirëorganizuara dhe do të jenë në sherbim të gjithë banoreve përgjatë gjithë vitit. Në katin perdhe të objektit do të ketë ambiente sherbimi si bar dhe restorant dhe para tyre do të vendoset pishina e cila do ti japi më shumë gjallëri rezidences. Rezidenca do të jetë një investim i sigurtë dhe i garantuar për të ardhmen tuaj.

Objekti është godine banimi dhe sherbimesh 5-6 kate mbi tokë me 1 kat dhe 2 kate parkimi nëntokë.

Ofrohen 99 apartamente në shitje, me tipologji 1+1, 2+1 dhe 3+1.

Apartamentet 1+1 variojne me cmim nga 136.000 Euro deri ne 165.000 Euro.

Apartamentet 2+1 variojne me cmim nga 187.000 Euro deri ne 252.000 Euro.

Apartamentet 3+1 variojne me cmim nga 264.000 Euro deri ne 269.000 Euro.

Të gjitha apartamentet janë projektuar sipas normave të projektimit të banesave ku secili apartament ka ballkon me hapësirë të bollshme duke mundesuar maksimizimin e pamjes.

Rezidenca është projektuar të mbarojë brenda vitit 2027.