2020 pritet të jetë një vit sfidues për ndërtimin, taksat do rrisin çmimet e apartamenteve

Për aktorët kryesorë të sektorin të ndërtimit në vend 2020 pritet që të jetë një vit sfidues. Tërmeti i fuqishëm në 26 nëntor nxori në pah problematikat që lidheshin ngushtësisht me këtë sektor dhe me cilësinë e ndërtimit, por që për aktorët kryesorë të tregut nuk do të ndalë hovin e lejeve të ndërtimit që janë dhënë tashmë.

Sipas tyre sektori i ndërtimit do të jetë më sfidues për shkak edhe kostove të reja ndaj ndërtuesve. Me bumin e ndërtimeve klientët e interesuar për të blerë apartamente kanë edhe më shumë oferta në treg por kanë edhe mungesë informacioni mbi morinë e projekteve që janë hedhur në tregun e pasurive të paluajtshme. Kjo për ndërtuesit përbën një terren të mirë për ndërtuesit jo seriozë.