Ofrohet për shitje një vilë e re, e sapopërfunduar dhe gati për banim, e vendosur në një nga zonat më të qeta dhe të gjelbëruara pranë Tiranës, në Prush. Pozicionuar mes natyrës, ajrit të pastër dhe qetësisë që ofron zona, kjo pronë është zgjedhja ideale për familjet që kërkojnë një stil jetese larg zhurmës urbane, por me akses të shpejtë në qytet.

Prona ndodhet vetëm 1,400 metra nga rruga e vjetër Tiranë–Durrës, 300 metra nga Liqeni i Prushit dhe ka akses direkt në rrugën kryesore. Zona karakterizohet nga zhvillim i harmonizuar rezidencial dhe shërbimesh, me restorante të njohura, ambiente rekreative dhe produkte bio të zonës.

Vila është pjesë e një kompleksi rezidencial me vetëm 7 vila individuale, të rrethuara me gjelbërim dhe të pozicionuara në distancë nga njëra-tjetra për të garantuar privatësi maksimale. Kompleksi ofron siguri 24 orë, mirëmbajtje të përbashkët dhe një komunitet të përzgjedhur banorësh.

Karakteristikat e Vilës:
• Sipërfaqe ndërtimi: 260 m²
• Sipërfaqe trualli: 1,000 m²
• Strukturë: 2 kate
• Parkim i hapur për 2-3 automjete

Organizimi i Brendshëm:
Kati përdhe
• Sallon i bollshëm ndenjeje
• Kuzhinë e veçuar me dritare
• Ambient ngrënieje
• 1 dhomë gjumi
• Tualet dite
• Verandë me dalje direkte në oborr
Kati i parë
• Dhomë matrimoniale me garderobë dhe tualet privat
• 2 dhoma gjumi, secila me tualet privat
• 2 ballkone

Hapësirat e Jashtme
Oborri i madh dhe i sistemuar ofron mundësi për instalimin e një pishine private, kënd lojërash për fëmijë, zonë barbeque apo ambiente relaksi sipas dëshirës.

Vila është ndërtuar me standarde të larta cilësie, ka panele diellore, fasadë të termoizoluar, punime moderne dhe hapësira të projektuara për komoditet maksimal.

Një mundësi ideale për banim familjar ose investim në një nga zonat më të kërkuara pranë Tiranës.